DIY Solder paste stencil and a fast glance at the SMT (Surface Mount Technology) (Arabic)
اصنع بنفسك ستنسل معجون القصدير، ونظرة سريعة على تكنولوجيا التثبيت السطحي
التثبيت السطحي كتكنولوجيا بدأتها شركة أي بي إم الأمريكية سنة 1960، وفضلت تتطور لغاية ما وصلت النهاردة لبوردات الموبايل اللي بيكون فيها مكونات مش سهل تميزها بمجرد النظر، بل مش سهل تتخيل المكونات دي اتصنعت ازاي واتركبت واتلحمت ازاي، النهاردة حتى اكواد كتابة قيم المكونات بالنسبة للصناعة دي بقت استاندرد جديد خالص وليها جداول خاصة بيها تختلف كتير عن اكواد المكونات التقليدية اللي بيسموها (Through Hole Technology THT).
فيديو بسيط بيشرح طريقة عمل الاستنسل المطلوبة لطباعة القصدير المعجون على نقاط التوصيل السطحية، والتوتوريال ده من الحاجات اللي شفتها من سنين واستفدت منه كتير، وهو بيشرح ازاي تعمل ستنسل عشان تطبع بيها القصدير المعجون (solder paste) لبوردة مكوناتها تثبيت سطحي (Surface Mount Device SMD) بأبسط وأقل إمكانيات، ده لينك الفيديو:
ودواير التثبيت السطحي من أدق وأجمل وأمتع الدواير اللي ممكن تشتغلها، وسهل تطلع منها نتايج منزلية مقاربة لشغل مصانع كبيرة من حيث المظهر (وليس الكمية)، ومن فترة كبيرة كنت بدرس إني اصمم خط انتاج كامل لدوائر التثبيت السطحي، بما فيها ماكينة تثبيت المكونات نفسها (Pick and place machine) والفيديو دة بيوضح أبسط ماكينات البيك اند بلايس، وهي بالمناسبة ماكينة ممتعة ومذهلة في فكرة عملها:
طبعا لو عايز تدخل شوية في عمق الصناعة دي ممكن تشوف الفيديو دة لماكينة بيك أند بلايس صناعية ذات سرعة عالية:
أما لو عايز تصاب بالإحباط من فرط سرعة الماكينة وتعقيد ميكانزمها فاتفضل ادخل على شركة فوجي اليابانية وهي بتتحدى المستحيل:
طبعا طباعة نقاط التوصيل بالاستنسل مش هي الطريقة الوحيدة، لكن هي الطريقة الصناعية السريعة، والفيديو دة بيوضح طريقة الاستنسل في طباعة القصدير المعجون في المصانع:
الطريقة التانية بتكون عن طريق (solder paste dispenser) والديسبنسر فيه ناس بتشتغله يدوي زي الفيديو ده:
وفيه ناس بتحطه كجزء من ماكينة البيك أند بلايس زي الفيديو دة:
وكلا الطريقتين اليدوي أو بالماكينة ينفعوا لمشاريع الطلبة والهوايات لكن مينفعوش صناعيا نظرا لبطئهم، وبالمناسبة لازم نلقي نظرة على الراجل دة لانة عامل آداه يدوية تعمل بموتور ستيبر وكونترول صغير بتقوم بعمل الدسبنسر كامل:
هنتكلم لاحقا من وقت للتاني عن التكنولوجيا دي و ازاي الواحد ممكن يدخل فيها ببساطة و بأقل إمكانيات ويطلع بأحلى نتائج.
كاتب الموضوع المهندس
Ashraf Riad
روعه
ردحذف